Leei sin blogg

Vottar og hals

2012-02-13T21:52:00.003+01:00

Då har eg endeleg fått strikka eit par tomlar og festa nokre endar på eit par prosjekt som har lege nesten ferdige ei god stund.

Eit par selbuvottar i str 7-9 år, strikka etter ei Rauma-oppskrift.

Ein mjuk hals i Kitten mohair, snurra to gonger rundt.

Ha ein fin kveld!

Litt babykle

2012-02-07T21:19:00.003+01:00

Har ikkje sydd så mykje i det siste, det har vore mykje anna å ta seg til. Men i dag fyrte eg i ovnen på loftet og prioriterte syarbeid framfor andre ting som også burde vore gjort.

Fyrst laga eg ei bukse som skulle matche desse bodyane som eg har sydd før. Buksa er laga av eige mønster, ca str 80. Sydd i babycord frå SS, ribb frå SS og rest av eit uglestoff frå ein eller anna dansk nettbutikk.

Eg har òg prøvd meg på Jubels knytebukse frå boka "Made by me." Sjølve buksa vart grei, men eg er endå ikkje fortruleg med dette med kanteband, og her var det endåtil knyteband. Ikkje perfekt, men det er no heimelaga på hobbybasis...

Stoffet er chenille frå Stoff og stil, og ribb frå samme butikk.

For nokre dagar (eller var det veker...?) sidan sydde eg denne bodyen etter mønster frå siste Ottobre. Str 62, stoff frå Myllymuksut, ribb frå SS. Planlegg ei tilhøyrande hue og bukse til denne, så er det mulig den endar som gåve.

Ein pysj etter mønster frå same Ottobre, dvs med litt endringar. Her vart det ein del kluss med kanteband og trykknappar, ikkje alltid like beint alle plassar, alt etter korleis ein strekkjer ribben medan ein syr. Var nær ved å hive heile prosjektet i boss, men klarte no so vidt å berge det. Men denne går under kategorien feilvare...

Stoff frå Tiljamiid.

Bursdagsjenter

2012-02-05T20:06:00.002+01:00

Småjentene mine har fyllt 6 år, tenk at tida har gått så fort. Syns ikkje det er lenge sidan eg gjekk med den svære magen med to stk inni...

Desse kjolane sydde eg i januar, med tanke på karneval som skal vere no i denne månaden. Men kjolane er blitt dei nye favorittane, så dei har allereide vore flittig brukt både her heime og i selskap. Tilhøyrande kroner har dei òg, men Nora fann ikkje att si nett no.

Paljettstoff, taft og tyll frå Stoff og stil, sølvstoff og sølvtyll frå den lokale sybutikken. Mest mulig rosa/lilla og glitrande saker. Enkelt mønster som eg har laga sjølv.

Bursdagsgåve til fadderbarnet mitt

2012-01-25T20:58:00.002+01:00

Sist helg fyllte niesa/fadderbarnet vårt 5 år. Til henne hadde eg laga dette antrekket, trøye med fiolar og "redesign" dongeribukse med lommar og ribb i livet. Eit matchande panneband vart det òg. Kristina er modell, sidan mottakaren er omtrent akkurat like stor.

Slike kroner har eg sydd nokre av i det siste, både til mine eigne jenter og til barnehagen eg jobbar i. Bursdagsbarnet måtte òg få ei slik ei, kanskje ho kan kome til nytte no når det snart er karnevalstid. Rosa paljettstoff på eine sida og gullstoff på andre sida, kan snuast etter behov.

Nytt vottepar...

2012-01-16T20:48:00.004+01:00

...desse er til småbarn. Størrelse 3-5 år, frå heftet nedanfor.

Vottar og hals

2012-01-14T10:22:00.003+01:00

Eitt vottepar til i mønster frå Rauma, det tredje paret på rad i samme mønster. Vurderer no å finne eit anna mønster, men litt greitt når ein kan det nesten utenat då, går kjappare enn om ein skal sitje å glo ned på diagrammet heile tida.

Under orkanen Dagmar hadde eg denne halsen som strikketøy, enkelt strikk som ikkje krevde så mykje lys. Etter at lyset kom tilbake har eg prioritert andre ting, men eg likar ikkje å ha for mykje påbegynte ting liggande, så då mått eg ta meg saman å få denne ferdig. (Ein smule kjedeleg arbeid...?)

La opp 164 masker med Kitten mohair på pinne nr 7, 2 rette og 2 vrange til nøstet var oppbrukt. Mulig halsen kunne vore vidare, kanskje eg burde hatt nokre fleire masker. Den er snurra to gonger rundt halsen. Mjuk og god, iallefall.

God helg!

Trøye

2012-01-10T19:39:00.002+01:00

Nora har fått seg ny trøye. Eg tenkte eg måtte prøve å sy litt kle som er større enn babystørrelse, så for å teste ut litt måtte eg lage litt til mine eigne fyrst. Eg teikna av etter ei trøye som jentene har, og så tok eg sjansen og klipte i (det dyre) stoffet. Resultatet vart no ganske ok, planen er å lage matchande bukse òg, men det blir nok ein annan dag.

Eg begynner etterkvart å opparbeide meg eit bra stofflager, likevel er det ikkje alltid eg har fargar som passar til kvarandre. Denne ribben er mørk plommefarga, av dei eg hadde tykte eg det var den som passa best, men eg ser no at det ikkje var heilt klaff.

Selbuvottar

2012-01-08T09:01:00.003+01:00

Ein del strikketid framfor fjernsynet fredagskvelden og laurdagskvelden, samt i ein bursdag laurdag har resultert i dette paret.

Damestørrelse, strikka i Østlandsgarn frå Nille, oppskrift frå eit Rauma-hefte.

Har no funne eit oppskrift eg likar godt, så då gjeld det å få strikka nokre par slik at eg får lært meg mønsteret. Blir nok fleire slike, tenkjer eg. Må opparbeide litt lager av vottar igjen, sidan eg selde dei aller fleste på messer før jul.

Meir til småbarn...

2012-01-05T20:11:00.004+01:00

Eg driv for tida og prøver meg på litt nye ting som eg evt. kan selge på messer og slikt, det er jo kjekt å fornye seg litt, då.

For nokre dagar sidan bestilte eg meg silikonringar og klips til smokkesnorer, tenkte det kunne vere greie småting til messesalg og gåver. I dag kom pakken i posten, så då var det berre å prøve. Her har eg brukt nokre band eg hadde liggande. Vurderer sterkt å sy nokre av stoff òg, men så langt er eg ikkje komen endå.

Nokre fleire bodyar har det òg blitt. Tomt for trykknappar no, så det må eg få tak i meir av. (Jfr bodyen med fiolar...)

Nokre kle til ein liten kar

2012-01-03T20:58:00.002+01:00

Guten til ei veninne av meg skal få teste ut ein av bodyane eg har sydd i jula, men når eg fyrst skal sende pakke til Sørlandet, hadde eg no lyst til å putte oppi litt til. Så då blei det matchande bukse, hue og siklesmekke i tillegg. Litt mykje elefantar kanskje, men han treng no ikkje bruke alt på ein gong.

Buksemønsteret har eg teikna sjølv, men eigentleg syns eg modellen var litt smal - lage den litt vidare ein annan gong. Babycord frå S&S, lomme-"tut" her. Siklesmekke sånn ca etter mønster frå boka Made by me, og huemønster frå Litefrø, har kjøpt det her.

Selbuvottar, ferdige for eit par dagar sidan, str dame.

Godt nytt år!

2012-01-01T12:03:00.004+01:00

På tide å helse godt nyttår til dei som kikar innom her!

Nokre av jentene mine kledde seg ut og hadde ei lita runde til slekt og naboar i går, har blitt ein liten tradisjon det. Mor deira er lite fan av Halloween, så då får dei heller gå nyttårsbukk i staden.

Ikkje så mykje sying i ferien som eg hadde tenkt, men eg har iallefall fått prøvd meg på bodyar. Link til mønster i forrige innlegg.

Stoff frå diverse nettbutikkar, stoff og stil, tiljamiid, m.fl.

Mine fyrste bodyar

2011-12-27T16:07:00.002+01:00

Eg har lenge hatt lyst til å sy bodyar, og no fann eg ut at eg skulle prøve. Det gjekk stort sett greitt, men litt prøving og feiling må ein vel tillate seg. Må bl.a. finne ut kva som er passeleg mht å strekke ribben for å få det passeleg og fint.

Mønsteret har eg funne her. På body nr 2 endra eg litt på måten å sy på kantebandet på trusa, elles hadde eg halsribben eit par-tre cm lengre enn det stod. Størrelsen er 74-80.

Vi har delvis vore utan straum nokre dagar, så då har det blitt strikking i ledige stunder. Når eg har hatt lys nok, har eg putla med desse vottane.

God jul til alle!

2011-12-23T18:16:00.004+01:00

Her er frå gårsdagen, då vi henta juletreet vårt.

Og so skal det pyntast. Her i huset er det kun å setje treet på fot, resten ordnar ungane...

Ja ja, iallefall eit barnepynta tre...

Og sidan dette er ein hobbyblogg, så får eg ta med eit par selbuvottar eg har strikka no før jul.

God jul!

Diverse testar

2011-12-11T19:37:00.002+01:00

Sjølv om det er helg i desember, og ein burde gjort mykje juleførebuingar, har eg sydd litt denne helga òg. Har hatt nokre ting i tankane som eg hadde tenkt å prøve ut.

Her er ei vinterhue frå boka "Made by me"- Kobralue. Den er sydd i ullfilt, fora med fleece, så den vart mjuk og god å ha på seg. Eg gjorde nokre endringar på mønsteret for å få endra den til større størrelse, men veit ikkje heilt om det vart så vellykka. Klaffane til å ha under haka skal det eigentleg vere knapp i, men eg gjorde dei kortare for å berre ha dei til øyreklaffar utan knapp. Kristina som ville ha hua, ville imidlertid ha knapp, så vi får sjå kva vi får til. Litt eksperimentering må til for å få det optimalt.

Ein myntpung - også frå boka Made by me. Stoff frå Tilda.

Så har eg lenge tenkt å prøve meg på kanting med ribb, med vanleg symaskin. Eg fann framgangsmåten på sykroken.net. Der er det mange fine tips å hente for oss som vil lære å sy.

Er brukbart fornøgd, men treng meir trening. Det er så mykje fint ein kan sy viss ein lærer seg litt ulike teknikkar.

Ha ein fin kveld og ei god hobbyveke!

Litt meir messeprodukt...

2011-12-01T19:28:00.004+01:00

Messa forrige helg gjekk veldig bra, eg fekk selt nokså mykje. Til helga igjen skal eg på ei messe på andre sida av fjorden, og i forbindelse med det "måtte" eg sy meir av det som eg selde mest av sist.

4 nye strikkepinneetui...

14 nye posar i julestoff...

To forklekjolar...

4 nye fleecekjolar, eit par av dei i litt større størrelse enn eg har laga før. Kanta med blondar.

Så då står det berre igjen å lage liste over alt, og setje nokre nye prislappar på. Så trur eg eg seier meg ferdig med messeproduksjon for i år.

Messe i dag

2011-11-27T09:34:00.003+01:00

...Og her er det eg har å tilby i dag....

Førebuing til julemesse

2011-11-24T13:11:00.003+01:00

Ein etterlengta fridag i dag. Føremiddagen har eg brukt på å sortere og prise varene eg skal selje på julemesse på søndag. Det meste er laga i år, men nokre få ting er igjen frå tidlegare år. Eg håpar verkeleg nokon vil kjøpe av meg, elles brenn eg inne med mykje rart...

To par tøfler ferdige

2011-11-23T07:33:00.002+01:00

For tida er det ferdigstilling av påbegynte prosjekt som står på planen.

Og endeleg har eg manna meg opp til å sy skinnsålar på desse tøflene som har vore ferdige ei stund. Dei svarte sålane har eg kjøpt frå Hillesvåg fabrikker. Sidan eg ikkje har somla meg til å bestille fleire, kjøpte eg dei andre på butikk her, veit ikkje heilt korleis dei fungerer, men det får duge denne gongen.

Begge para er herrestørrelse, men dei tova veldig godt, så dei vart ein liten herrestr.

Garnet er Cortina soft frå Spar Kjøp. Oppskrifta fann eg på ei eller anna nettside for eit par år sidan. (Hugsar ikkje kor).

Meir til messe

2011-11-20T22:28:00.004+01:00

Nokre huer...

Fleire siklesmekker...

Ei monsterbukse...

...og fire veldig mjuke halsar.

Ha ein fin kveld!

Siklesmekker

2011-11-12T13:13:00.003+01:00

Små skjerf til små troll, har sydd nokre til messe. Har klipt opp endå fleire, men noko tull med maskina gjer at eg ikkje får sydd dei no. Må forske litt meir på treing av overlock, ja.

Dilla på klemmepungar...

2011-11-07T21:54:00.002+01:00

Etter at eg lærte meg å sy slike pungar har eg kun sydd slike. Håpar det er salgbar messevare, elles brenn eg inne med ein del...

Til dei fyrste pungane brukte eg klemmelåsar kjøpt på "vanleg sybutikk", dei kosta over 80 kr for to sett. Etter ei rask nettrunde fann eg dei til 19 kr stykket her, så då bestilte eg eit hiv. Bestilte på torsdag, og i dag låg det 30 klemmelåsar i postkassa mi. Rask levering!

Klemmepungar

2011-11-03T11:27:00.007+01:00

I går var eg på klubbkveld i Lappe- og quillteklubben her. Der lærte vi å lage klemmepungar. Det var veldig moro, enkelt og greit arbeid, og så blir jo desse pungane veldig fine.

I gårkveld laga eg altså min fyrste, og i dag måtte eg berre prøve nokre fleire stoffkombinasjonar.

Skal ikkje sjå vekk i frå at det blir nokre slike i julegåver i år...

Sommarkjole med vaffelsaum

2011-10-27T10:07:00.004+02:00

Framgangsmåte til ein slik kjole fann eg på youtube for ei stund sidan, faktisk såg det veldig enkelt ut, så dette ville eg prøve. Det gjekk stort sett greit, men ved neste høve trur eg kanskje eg skal prøve ein annan type stroppar.

Stoffet er eit putetrekk frå Åhlens.

Nøstebarndress

2011-10-25T21:19:00.003+02:00

Då kan eg endeleg vise fram denne nøstebarndressen som eg strikka i sommar. Mottakaren var den skjønne vesle sonen til ein kollega av meg.

Mønster frå "Strikk til Nøstebarn" av Kathrine Gregersen,

#1925 Heildress i dobbelt to-tråds garn.

Garnet er New Zealand lammeull, pinne nr 3,5 og 4,5.

Brødkorger og myntpungar

2011-10-18T19:04:00.004+02:00

To myntpungar til messa. Framgangsmåte har eg funne her.

I haustferieveka var eg ein tur til Ålesund med tre av jentene mine, kjekt å komme seg vekk litt og finne på litt anna enn det vanlege. Litt handel vart det, og på hobbyfronten kjøpte eg meg denne boka.

Her var det fleire fine framgangsmåtar og mønster eg kjem til å prøve.

Det fyrste som måtte prøvast var desse brødkorgene.

Ein finn òg ut korleis dei vert laga på denne bloggsida.

I desse julekorgene brukte eg bordvatt istadenfor vlieselin som det stod i oppskrifta. Veit ikkje heilt kva som vart best.

Sydilla og ny maskin

2011-10-13T16:29:00.004+02:00

Fyrst kan eg no vise fram noko av det eg har laga i det siste:

To små vesker til smådamer

Snurreskjørt til smådamer

Eit par ugleposar til småting

Ei lita toalettveske til ei av døtrene mine (Måtte teste ut bildepapiret til å stryke på stoff, fungerte fint det.)

Så har eg gjort ei ny invistering, den etterlengta overlockmaskina er endeleg på plass. Den fungerer nok som den skal, men eg må bruke litt tid på å gjere meg kjend med maskina. Den syr fint, men eg syns ikkje endane er så fine. Korleis feste desse på skikkeleg vis?

Ja ja, eg har no prøvesydd litt. Denne vesle dongeribuksa er omsaum av ei bukse som var forlita til sonen min. Avlagde dongeribukser er greit såleis, kan brukast til så mangt. Ei lita siklesmekke vart det òg.

5 huer i monstertruck-stoff. (Burde kanskje bestille meg litt meir jerseystoff sånn at eg har meir å variere i...?)

Huer til småjenter

2011-10-06T18:12:00.003+02:00

I løpet av den siste tida har eg lært meg å sy huer. Desse er sydde i jersey/ribb/stretchstoff. (Er ikkje heilt stø på kva slike stoff heiter...) Eit par-tre av huene beheld nok jentene her i huset, resten endar nok på messe. Strykemerker frå HM vart pynt, slikt likar småjenter.

Eg har ikkje overlockmaskin - så saumane her er sydde med overlocksaumen på Berninaen. Fungerer på eit vis, men om eg skal sy mykje i slike stoff lagar eg meg nok eit behov for ny maskin...

Vesker og kjolar

2011-10-02T15:10:00.004+02:00

Så har det vore helg igjen, og eg har lurt meg til litt sytid, sjølv om veiret er litt for fint til det.

I går laga eg desse små veskene. Dette er ei forminska utgåve av eit rosenett som eg har sydd tidlegare. Veskene kan brukast på begge sider, så her er det mulig å variere.

I dag er det blitt eit par forklekjolar. Desse er òg vendbare.

Ser at bilda ikkje er av dei beste, men for ein gong skuld skin det sol her...

Anna's bolero

2011-09-30T18:38:00.004+02:00

Då er endeleg denne ferdig - Anna's bolero.

Denne er strikka i Drops Lima på pinne nr 4, litt vel tjukk, kanskje. Det gjekk nesten 5 nøste. Oppskrifta finn de her, men eg har lagt opp 10 ekstra masker og strikka ein rapport ekstra på framstykka og ermene, og to ekstra rapportar bak. Då vart den slik til min 5-åring.

Snurreskjørt og joggebukse

2011-09-29T10:55:00.003+02:00

Har lenge tenkt eg skulle prøve meg på eit slikt snurreskjørt. Fann ei grei forklaring på dette inne på sykroken, så då var det berre å prøve. Stoff of ribb frå Stoff og Stil, mulig eg burde valt eit litt tynnare stoff, men det vart no ok.

For nokre kveldar sidan sydde eg ei lita joggebukse. I dag fekk den matchande siklesmekke, denne har eg teikna mønster til sjølv. (Kanskje litt stor?)

Kamelstoff frå Stoff og Stil.

Dette er sydd på mi vanlege Bernina-maskin, men no når eg har sydd litt barnekle i stretch-stoff, er det heilt klart at eg ynskjer meg ei overlockmaskin. Tips til gode maskiner som ikkje kostar skjorta vert tatt i mot med stor takk!

Fleire posar og "korger"

2011-09-25T13:51:00.002+02:00

3 månader til jul

2011-09-24T18:47:00.004+02:00

Men jula må ein tenkje på heile året.

I dag har eg sydd diverse posar og korger i julestoff.

Dei små posane er sydde etter beskrivelse frå Timotei sin blogg. Fine julegåver med valfritt innhald i, t.d lys/telys, twist, nøtter, snop, såper eller kremar, frukt, m.m.

Eg tenkte det måtte gå an å lage desse i andre størrelsar òg, så då eksperimenterte eg meg fram til desse som er noko større. Tenkjer dei kan vere fine å ha frukt, nøtter, brød, garn/handarbeid, eller liknande i.

Dagens produksjon.

God dag på syrommet

2011-09-22T20:27:00.003+02:00

Endeleg ein fridag med skikkeleg ruskeveir og ingen spesielle planar... Har lenge planlagt nokre kjolar til messe og kanskje gåver, og i dag var dagen komen.

Tre vendbare forklekjolar med litt lommar og applikasjonar.

Tre fleecekjolar av ein meter stoff. Desse er veldig enkle å sy, utan knappar til og med. Som dekor brukte eg nokre av pyntesaumane på symaskina mi, så kom dei til nytte òg.

Mjuk hals

2011-09-20T17:38:00.004+02:00

Eg har lenge tenkt på å strikke slike halsar, men har utruleg nok ikkje fått kjøpt inn høveleg garn. Mohair har ikkje vore noko favorittgarn til no, men ein slik hals må no vere fint no til vinteren. Så då vi var på tur til Ørsta på laurdag, fann eg ein flott butikk med både saum- og strikkevarer, og der var garnet eg trengte. 6 nøste Kitten mohair fekk vere med heim, og det var berre å setje i gong.

Her er resultat av fyrste forsøk. 140 masker på pinne nr 7, to rett, to vrang til nøstet var oppbrukt. Eigentleg syntest eg halsen var vel trang til å ha to gongar rundt halsen, men på denne vesle dama var den meir passeleg.

På neste hals har eg prøvd meg med 164 masker, får sjå om det vert meir høveleg for vaksne damer. Andre som har strikka slik hals og som har tips om masketal og pinnar?

Diverse småtteri

2011-09-19T21:38:00.007+02:00

Hausten er komen, og det blir meir kveldsarbeid inne. Har brukt siste par vekene på diverse ting til julemesse, og samla opp litt som kunne tovast i lag.

To tova vinvesker, strikka i Østlandsgarn frå Nille.

Eit par tova dametøfler, str 38-39. Strikka i Cortina. Skinnsålar frå Hillesvåg fabrikker.

Tre par tovavottar til barn, strikka i Artic frå Europris. Diverse pynt, slit litt med å komme på noko fine motiv som kan brukast til begge kjønn. Blomster og hjerter er greitt, men er nok mest for jenter...

Fiskar med knappeauge

Ansikt med knappeauge og -munn.

Ei hekla hue med blomst, Babysilk, dobbelt garn. Litt vid, baggy modell.

Nøstebarn jakke med rundfelling

2011-09-12T18:31:00.003+02:00

Denne jakka var ganske enkel og relativt rask å strikke, 3-trådsgarnet er noko kjappare å strikke enn 2-tråds frå Askeladen. Eg hadde to buntar brunt og ein med turkis, og var noko skeptisk til om det var nok garn, men det heldt akkurat.

Størrelsen er 4 år, har eigentleg ikkje noko mottakar til denne - så den endar vel opp på julemessa. Evt. under eit juletre viss eg ikkje blir kvitt den då. Måtte berre prøve å strikke ei slik...(Denne er no så fin at mønsteret godt kunne vore i større størrelsar òg).
Mønster #1943 Jakke med rundfelling frå "Strikk til Nøstebarn"-boka. Originalgarnet, 3-tråds merinoull frå Askeladen, pinne nr 4.

Labbar og sitjeunderlag

2011-09-04T22:02:00.006+02:00

For tida er eg inne i ein periode då eg likar best kjappe enkle prosjekt. Slik som desse to tova sitjeunderlagar. På det smalstripete fekk eg brukt opp 5 single nøster med Cortina, fint å få vekk litt smårestar. Det breistripete er av Cortina Soft, eg turde ikkje å blande dei to garntypane, det har eg gjort før med dårleg resultat...

Oppskrifta: 80 masker - 5 nøste - pinne nr 7. Handtak over dei 20 midterste maskene når det nærmar seg slutten.

Og endeleg vart desse labbane ferdige - eg var komen til hæl nr 2, og så har dei blitt liggande i heile sommar. Strikka i Jarbo Raggi - pinne nr 4 1/2.

Hekla hue

2011-09-01T00:26:00.003+02:00

Har ei stund planlagt å lage nokre hekla huer til hausten. Etter nokre surferunder etter heklahuer, har eg i dag klart å få til denne. Den vart nok litt vidare enn eg hadde tenkt, men så får eg ta den sjølv då, sidan eg er så tjukk i hovudet.

Eg greidde til og med å hekle ein blomst til å pynte med.

Garnet er kjøpt på sal for lenge sidan, Merino Silk frå Hjertegarn. Dobbel tråd - heklekrok nr. 5.

Siste tidas strikkerier

2011-08-29T20:23:00.004+02:00

I sommar har eg ikkje vore så flink til å oppdatere bloggen, men eg har no putla med litt handarbeid likevel. Siste vekene har eg laga denne ullbuksa, "bukse i ribb" frå eit av Sandnes sine tilbehør-hefter. Buksa er strikka i Rubin frå Spar-Kjøp.

Eitt par vottar, strikka etter mønster frå Raumagarn, 3-trådsstrikkegarn. Str 7-9 år.

I sommar kom det fyrste tvillingparet etter mine her i bygda, altså 5 år sidan sist det vart fødd tvillingar her. Denne gongen vart det gut og jente, og til dei laga eg dette. "Gros djevellue" og kvar sitt par lange sokkar som kan brettast opp eller ned etter behov. Garnet var babymerino frå Nille - eit garn eg syns er både mjukt og godt.

Ha ein fin kveld!

Syhelg

2011-08-21T18:22:00.005+02:00

Denne helga har det blitt nokre timar på syrommet. Det har blant anna blitt litt barnekle, og småtteri. Noko eg vart bra fornøgd med var desse posane. Fine til å oppbevare småting i, og kan brukast til gåve, ved å feks fylle dei med snop, frukt, såper etc. Trur det må bli nokre slike til julemessa seinare i år.

Idè og beskrivelse på korleis det skal gjerast har eg funne på denne bloggen.

Grunnen til at symaskina er blitt prioritert framfor strikketøyet denne helga, er m.a. denne. Ribbstrikka ullbukse i str. 4 år - litt småkjedeleg, det går ikkje akkurat fort, nei. Er no begynt på den andre foten, så her må eg ta meg saman litt for å få fullført.

God søndagskveld - og ha ei fin hobbyveke!

Forklekjolar

2011-08-18T13:11:00.007+02:00

I ferien var vi innom eit par Pandurobutikkar. Småjentene var med, og i ein av butikkane fann Nora eit stoff som ho svært gjerne ville ha ein kjole i. Stoffet var på salg, så det blei eit par meter med heim.

Men kva slags kjole, skal tru. Etter ei lita runde på nettet fann eg beskrivelse på desse forklekjolane. Dette såg no greit ut tenkte eg. Optimistisk klipte eg og sydde saman to kjolar før eg prøvde noko på.

Men kanskje valde eg ein litt vid fasong? Her er iallefall god plass til at dei kan ete meir enn dei gjer pr. i dag. Jentene var uansett fornøgde. Tanken er at dei kan ha desse som kvardagskjolar over ullundertøy i barnehagen utover hausten og vinteren.

Det rosa stoffet med jenter på er frå Panduro, dei andre frå Stoff og stil.

Ikkje svært samarbeidsvillige modellar i dag, så innsida på den eine kjolen vert utan jente inni.

Ferien er over...

2011-08-15T21:08:00.003+02:00

...og kvardagen er i gong igjen. Vi har vore på to campingturar til Trøndelag og Sverige, vore heime og vaska kle, på hytta og fiska og gått turar der, og småjentene og far har samla poeng til fjelltrimmen. 4 late, deilige veker.

Litt hobbies er det òg blitt tid til, sjølv om det kanskje ikkje har vore 1. prioritet. På camping vert det gjerne litt strikketid, og då passar det med enkel strikk der ein ikkje treng å tenkje allverden mykje. Som desse klutane:

Dei heiter "Husmor Marias kopptue", og oppskrifta finn du her.
På bilturen til og frå Sverige heldt eg på med desse sitjeunderlaga.
80 masker, 5 nøster Cortina.

Desse er tova ein gong på vanlig 40 graders program. Vurderer om eg skal gje dei ein omgang til, kunne tenkt meg å hatt dei litt mindre og litt fastare i fisken, men er redd for at det blir for mykje. Skal tru kor store slike eigentleg skal vere?

Tovavottar

2011-07-29T13:00:00.004+02:00

Har endeleg fått gjort ferdig tomlane og tova dei grå vottane. Tova herrevottar til julemessa.

Dei brune er strikka av Artic, og dei grå av Iglo soft, begge kjøpt på Europris. Oppskrifta er ein tilpassa versjon ev denne.

Selbuvottar

2011-07-28T23:06:00.004+02:00

Dette er noko eg tykkjer er kjekt å lage, så innimellom får eg periodar då eg berre må strikke nokre vottar. Då vi var på tur kjøpte eg meg eit par nye votte-hefte, kjekt med litt ulike mønster å velje i.

Men denne gongen klarte eg noko eg ikkje har gjort før...

To venstrevottar.

Dermed måtte det bli to par slike. Strikka i Rauma 3-tråds strikkegarn, etter mønster i eit Rauma-hefte.

Når eg fyrst er i gong med vottar, måtte vi ha eit vaksen-par òg.

ette er til dame, men kanskje litt små. Strikka i Østlandsgarn frå Nille.

3 par vottar til årets julemesse.

Feriestrikk

2011-07-21T09:09:00.005+02:00

Då er vi tilbake etter nokre dagars tur til Trøndelag. På slike turar blir det ein del bilkøyring, og bra med strikketid både i bilen og elles. Endeleg fekk eg fullført rullegensaren til Nora, den har eg halde på med sidan begynnelsen av juni. Så greitt for samvittigheten å få fullføre prosjekt.

Ja då, tidlegare hadde eg eit mål om å alltid ha berre eitt prosjekt om gongen, men dette har nok sklidd ut. Eitt prosjekt på hytta, eitt "enkelt" til å ta med vekk eller til bilkøyring, plutseleg er det ei gåve som hastar litt +++, så ballar det på seg. Men nett no har eg berre tre - trur eg.

Rullegensar etter Nøstebarn si gratisoppskrift
2-tråds merino lammeull frå Askeladen, fargane rosa og bringebærrød. Str 8 år, litt stor til denne 5-åringen, men ikkje verre enn at det går fint.

Så då har begge tvillingane fått seg rullegensar. Desse er lette og mjuke, håpar berre jentene brukar dei når det vert kaldare. (Ei av dei er noko følsom for ull-kløing...)

Etter at gensaren vart ferdig, måtte eg finne på noko nytt. Hadde ikkje planlagt noko, men garn og utstyr er å få kjøpt, så det er veldig greitt. Inn på nærmaste Nille og kjøpe pinne nr 4, og grave fram noko i handleposen frå ein av stoppestadane på vegen, og så vart det kjøkenklutar.

Desse er strikka etter oppskrift på Husmor Marias kopptue.

Garntypane eg har brukt er Pt Helårsgarn, Rauma Oktett og Paris. Klutane vart veldig mjuke og gode, og oppskrifta er enkel og veldig grei. Eg har faktisk fått litt dilla, så eg ser ikkje bort i frå at det vert endå fleire slike...

På turen fekk eg sjølvsagt lurt meg innom diverse butikkar med garn og tilbehør, skal sjå om eg får laga eit innlegg om det ein av dagane.

Labbar

2011-07-11T07:22:00.001+02:00

Då var endeleg desse labbane ferdige, dette spøtet har eg hatt på hytta ei stund no.

Strikka i Online sokkegarn, "blåbærvaflemønster".

Pappa sine bukser...

2011-07-09T15:45:00.006+02:00

...er blitt til kjolar. Her har eg brukt fantasien. Ikkje noko mønster, og kanskje ikkje heilt perfekt snitt. Kjolane er fora med stoff frå Stoff of Stil, applikert på nokre hjerter. Dei store hjerta midt framme er lommar.

Rausetstøylen

2011-07-06T20:12:00.003+02:00

For tida er veiret her heilt fantastisk, og vi prøvar å nytte dagane godt sjølv om vi ikkje har ferie endå. Her i bygda har trimgruppa begynt med noko nytt, nemleg "Mini-hardhausen". Dette går ut på at borna under 10 år skal innom eit visst tal trimpostar i løpet av sesongen.

I dag var det tid for Rausetstøylen. Gamle støylsvegar med trappetrinn er fint for ungar å gå, og her var jentene sprekare enn mora.

Vel oppe var jentene frå seg av begeistring over den flotte utsikten. Dette må vere det flottaste utsynet frå ein støyl, iallefall rundt denne fjorden.

Litt drikke og ein turbar gjev ny energi...

Her såg vi heile bygda og vel så det.

Rygg sentrum fotografert frå Rausetstøylen.

Tusen takk for turen, jenter!

Storfiskaren

2011-07-04T18:10:00.003+02:00

Vi har hatt nok ei fantastisk hyttehelg. Denne helga vert nok ekstra minnerik, sidan mannen min har persa seg. I ein alder av 41 år har han fått si største fjellaure i dette vatnet, og det var no ei stor oppleving for oss som var med.

Den stolte fiskar med storfisken. Ved sidan av ligg mine småpinnar.

Og vekta stoppa på...

1,09 kg

Medan vi stod og fiska, kom ei ørn siglande inn over vatnet. Eg forbannte at eg ikkje hadde fått med meg det skikkelege kameraet mitt med det nye objektivet... Grr. På dette bildet teke med mobilen er ørna berre ein liten prikk... (Viss ein ser den i det heile tatt.)

No er det avslapping med dette utover kvelden. Rullegensar til Nora.

Ha ein fin kveld!

Sommar = handarbeidstørke?

2011-07-02T00:27:00.003+02:00

For tida er det lite aktivitet på bloggen. Eg merkar at dagane har meir å by på no når det liksom er sommar. Vi har vore mykje på hytta dei siste helgane, og vekene går jo så fort.

Sjølv om det er roleg på bloggen, får eg no lurt til meg nokre økter med handarbeid innimellom, ja det er flott handarbeidveir på vestlandet for tida. Men ikkje alt kan visast no, og for tida har eg heile fem påbegynte prosjekt. Ny rekord, trur eg.

I dag var familien på tur til Førde, dei store ungane er leie av å vente på at foreldra skal få ferie, så vi måtte finne på noko. Litt handel vart det no, og av hobbyrelaterte innkjøp vart det dette:

Det er no såpass at eg får fullført dette prosjektet som har lege brakk sidan eg gjekk tom for garn for mange månader sidan.

Men hovudprosjektet mitt er for tida noko som vert laga av dette:

Til slutt eit par bilder frå jonsokafta. Sonen vår og nokre kameratar ville så gjerne ha grilla marshmallows, prpblemet var at bålet var litt varmt. Eller var det eigentleg noko problem? Berre å ha store nok grillspyd det...

Jentungane er vanlegvis flinke å posere, men det er ikkje alltid dei har like god tid, iallefall ikkje samtidig. Men slik såg dei altså ut den 23.6. 2011. Dei to største jentene hadde iallefall ikkje tid til å posere, så dei får vi ta med ein annan gong.

Bestemorteppe - endeleg ferdig!!

2011-06-13T10:50:00.002+02:00

Då var endeleg dette "storprosjektet" ferdig. Begynte i slutten av februar, og har halde på meir eller mindre jamnt sidan det.

Her er 108 lappar, altså 9 x 12. Kvar lapp er ca 15 cm, så då skulle vel teppet bli ca 180 x 135, i tillegg kjem nokre cm med kant rundt heile teppet.

Materialane er restegarn, mest rubin, safir, østlandgarn, smart og den tjukkelsen. I tillegg måtte eg supplere med koksgrått til hovudfarge. Heklenål nr 3,5.

Lappane er hekla saman med ein metode eg fann på nettet. Veit ikkje om eg er 100% fornøgd med den metoden, det blei liksom litt "brettar" mellom kvar lapp, men det er mulig det rettar seg ut etter litt bruk. Eigentleg hadde eg tenkt å vaske og strekke teppet, men så langt er eg ikkje komt endå.

Kjekt å ha fullført mitt fyrste teppe, dette skal bli deilig å krype under på kjølege haustkveldar...

Rullegenser

2011-05-30T08:35:00.006+02:00

Den siste tida har det skjedd mykje, og det har vore mindre tid til handarbeid. Men no er endeleg denne gensaren til Kristina ferdig. Det er ein rullegensar etter gratisoppskrift frå Nøstebarn.

Garnet er 2-tråds lammeull frå Nøstebarn, fargane lilla og oransje. Angrar litt på at eg ikkje strikka 3 omg lilla+ 2 omg oransje, men no blei det 2+2. Størrelse 8 år til 5-åringen min.

Ein relativt tynn ullgensar kan vere fint på kjølege sommardagar. Her på vestlandet bør ein ikkje pakke vekk ullkleda sjølv om ein er i slutten av mai.

Ha ei fin veke!

Rekreasjon

2011-05-25T21:29:00.003+02:00

Sist helg var ei skikkeleg ruskeveirshelg, og vi hadde diverse å gjere heime. Men søndag fekk eg meg ein tur opp i dalen, fyrst åleine, sidan kom småjentene. Det er så godt å ha litt tid for seg sjølv, fiske litt, strikke ein god del, og elles slappe av.

Fisk vart det ikkje. Ein lokalkjend kar som har meiningar om alt seier det er for kaldt i vatnet endå. Nysnø i fjella og greier, så han har vel rett.

På strikkefronten fekk eg komt skikkeleg i gong igjen med ein gensar som har lege på vent no medan vi har styrt med konfirmasjon og 17. mai og slikt. Arm nr 2 ferdig og raglanstrikket påbegynt.

Dette skal bli ein rullegensar til Kristina, greit med ullgensar om sommaren òg, viser det seg. Greitt med ein som ikkje er altfor tjukk då.

Gratulerer med dagen!

2011-05-17T16:54:00.004+02:00

Nokre glimt frå feiringa vår!

Ha ei fortsatt fin feiring!

Konfirmasjon overstått!

2011-05-10T22:59:00.004+02:00

Då har vi fått konfirmert sonen vår. Han valde humanistisk konfirmasjon, så laurdag 7. mai var vi i operahuset på Nordfjordeid på seremoni.

Festen hadde vi på kantina på SFE, arbeidsplassen til min betre halvdel. Vi hadde invitert den nærmaste familie, altså var vi rundt 45 som feira Steffen denne dagen.

Konfirmanten og storesysta.

Ja ja, då får vi satse på at denne karen er vaksen...

Konfirmasjonsførebuingar...

2011-05-03T19:08:00.005+02:00

I det siste har det blitt dårleg med nye blogginnlegg. Vi hadde ein flott påsketur på hytta, men etter det har tankane mine vore på det som skal skje 7. mai. Då skal sonen vår konfirmerast, og det er jo litt styr med å lage til til fest.

Har spekulert ein del på borddekking, fargar, pynt m.m. Eg hadde lyst til å la pynten gå i lilla, men det vart litt drygt for konfirmanten, så då vert det turkis. Lilla og rosa får vi heller spare til seinare anledningar....

Noko av det som er klart, er lys som skal stå på bordet. Her har eg teke skiferheller og sett møbelputer under, så vert det kubbelys med sløyfe og perlepynt rundt. Enkelt og greit.

Bordkorta er klare til utskrift.

Og så har vi jo leita fram litt bilder så vi kan mimre om barndommen til konfirmanten...

Endå har vi nokre dagar igjen, litt arbeid har vi igjen å gjere, men det går nok bra.

Ha ei fin veke fortsatt!

God påske!

2011-04-21T09:18:00.002+02:00

Då er påskeferien godt i gang for min del. Dei fyrste dagane har gått med til putling her heime, prøve å få det til å sjå greit ut ute no når våren er komen. Ungane har kosa seg ute i fineveiret, enkelte dagar har dei knapt vore inne.

Som handarbeid har eg blant anna fått til desse Bluberry waffles-sokkane, i Sterk frå Du store alpakka. Deilig mjukt garn å strikke med, og deilig mjuke sokkar. Får håpe dei held seg fine etter litt bruk òg. Skikkeleg vanskeleg å få gjengitt den verkelege fargen på bilde, dette vart eigentleg ikkje bra i det heile tatt, fargen er eigentleg mykje finare enn på bildet.

I lag med den eldste og dei yngste døtrene mine har vi laga litt påskepynt. Måla på utblåste egg og hengt dei opp i nokre kvistar. Bjørkelauvet sprett no, både inne og ute.

Eit av egga som vart måla.

Dei siste dagane i påska har vi lyst å tilbringe på hytta, så vi reiser opp der i dag. Skal bli deilig å komme i Traudalen igjen etter eit halvårs pause.

God påske!

Framgang på teppe og labbar

2011-04-17T10:38:00.005+02:00

Litt dårleg med ferdigstilte prosjekt her for tida, så det er blitt lite blogging. Her er noko av det eg styrar med innimellom, nemleg restegarnsteppet mitt. Det går litt i "rykk og napp", men no har eg rundt 70 lappar. Er over halvveis, planen min var 120...

Har no fått til eit sokkepar òg, strikka i Jarbo raggi. Mjuke og gode.

No har eg teke påskeferie, og håpar på mykje hobbytid. Forhåpentlegvis kjem vi oss på hytta, håpar på lange late dagar der med familien...

Ha ein fin søndag!

Dilla på Nøstebarn-oppskrifter???

2011-04-03T20:06:00.002+02:00

Den siste tida har det gått mykje i Nøstebarn-strikk.

No i veka vart eg ferdig med denne rullegensaren, strikka etter gratisoppskrift frå Nøstebarn. Den er til niesa vår som nylig har fylt tre år. Eg strikka i 6-årsstørrelse, men den vart nok litt stor. Jenta får heller ha litt å vekse i. Litt forskjellige merkelappar vart sydde på òg...

Panneband

2011-04-02T12:13:00.004+02:00

Tre nye panneband til vårsesongen.

Håpar no at vinteren er over, og vi kan gå over til litt lettare hovudplagg.

Desse er strikka i dobbel babyull/senjagarn. Legg opp ca 76 masker og strikk 2 rett og 2 vrang så langt ein vil ha det. Jentene fekk sjølve velge merker som skulle syast på.

Nøstebarntunika

2011-03-22T17:01:00.003+01:00

Då har eg fullført nøstebarntunika nr 2, i lilla og syrin til Kristina. Var ikkje heilt fornøgd med Nora sin, så eg måtte ordne den litt ved knappane, samt kjøpe nye knappar. Men no var alle nøgde.

Tunikaen er som den forrige strikka etter oppskrift frå nøstebarn, oppskrift nr #1962, kjøpt som laus oppskrift. Garn er orginalgarnet frå Nøstebarn, 2-tråds.

Gensar til tantebarnet

2011-03-13T18:52:00.003+01:00

Den vesle nevøen vår har fyllt 2 år, og merkeleg nok kom den bursdagen litt brått på. (?) Så skulle han få heimelaga gåve, måtte det verte noko kjapt.

Denne gensaren er etter oppskrift frå "Strikk til Nøstebarn",

mønster nr #1924, raglangenser i dobbelt 2-trådsgarn.

Med så tjukt garn og tjukke pinnar var det gjort på få dagar å få ferdig ein slik gensar.

Håpar den vert varm og god under dress og regnkle i barnehagen.

12. mars

2011-03-12T12:21:00.004+01:00

12. mars skriv vi i dag. Vipa og Tjelden skal vere rett rundt hjørnet, og her ser det slik ut...

Til og med desse jentene er begynt å bli metta på vinter no, snøen har lege omlag kontinuerleg sidan begynnelsen av oktober.

Eg vil ha vår!

Dette er det vi lengtar etter...

Fisketurar og bålkos I Traudalen, i år trur eg vi må nytte sesongen ekstra godt, sidan vintrane ser ut til å auke med ein månad i kvar ende her på Vestlandet.

Ha ei fin helg!

Nøstebarntunika til Nora

2011-03-11T08:16:00.003+01:00

Då har eg fått fullført min fyrste Nøstebarntunika. Den er strikka i 2-tråds lammeull frå Askeladen dvs. originalgarnet som Nøstebarn sel. Fargane er Rosa og Fuchsia. Mønsteret vert selt på eige mønsterark, (mønster #1962) altså det er ikkje å finne i Nøstebarnboka.

Eg følgde oppskrifta heilt oppunder armane, men derifrå strikka eg ribb 1 r og 1 vr, og prøvde meg på ei slags rundfelling. Veit ikkje om resultatet vart heilt optimalt, det viser litt der eg har fellt. Og så ser eg på bilda at eg skal lage eit knapphol og sy i ein knapp til.

Nøstebarntrøye, labbar og nye prosjekt

2011-03-07T08:58:00.007+01:00

Litt lenge mellom kvart innlegg her, men eg får ta ei oppdatering i dag.

Fyrst kan eg omsider vise fram denne nøstebarntrøya, strikka den ved juletider, og har endeleg fått overrakt den i gåve no. Håpar tantebarnet mitt som går i utebarnehage held seg god og varm i den.

Trøya er strikka etter oppskrift #1905, men med lange ermer i staden for dei korte som var i oppskrifta. Garnet er 2-tråds Askeladen merinoull/nøstebarngarn.

Innimellom er det blitt nokre sokkepar.

Desse barnesokkane er i restegarn, Fabel og Senjagarn.

Mannen har fått seg eit par lange og smale (etter ynskje) raggsokkar i Jarbo raggi-garn.

Tjukke og gode.

For tida har eg to prosjekt på gang, ein nøstebarntunika til ei av jentene. Tålmodigheitsprøve med tynt garn.

Elles er eg i ferd med å redusere mengda av restegarn i lageret. Har ein god del påbegynte nøste av Rubin, Smart, Safirgarn, Østlandsgarn og slikt. Eg sette jentungane til med nøstemaskina for å få laga små fine nøster, ei oppgåve dei krangla om å få gjere...

Så no skal det bli lappeteppe her. Planen er å få brukt opp alle smårestar, i tillegg har eg kjøpt inn koksgrått garn til å ha ytterst på rutene, slik at det blir ein heilskap i teppet.

Rutene er 15x15 cm store, så eg har rekna ut at eg treng 120 ruter for å få eit teppe på 150x180 cm. Er vel komt opp i ca 35 ruter no, så eg har no ein del igjen før eg er ferdig...

Mandagen er min fridag, litt husarbeid og litt hobbytid, så no skal eg ta eit par striper på tunikaen før eg gjer noko meir. Ha ein fin dag!

Mi fyrste...

2011-02-22T14:19:00.003+01:00

Ved årsskiftet hadde eg nokre nyttårsforsett som gjaldt handarbeid. Eit av dei var at eg skulle lære meg å hekle oldemor-/bestemorruter. Eg syns det er så fantastisk flott med lappeteppe sett saman av slike, og dette må vel eg òg klare?

På ei surferunde tidlegare i dag kom eg over ei oppskrift på Nøstebarn sine sider. Henta dei nærmaste garnrestane og ein heklekrok, ilte inn på Youtube for å sjå kva stavar var for noko, og så var eg i gang. Og her er mi fyrste rute:

Eg er stygt redd for at eg kan få dilla på dette, det var jo moro! (Spør meg igjen når eg har hekla nok til teppet mitt...) Iallefall veit eg no kva eg skal bruke restegarnet mitt på framover...

Selbuvottar

2011-02-21T19:35:00.002+01:00

To par nye selbuvottar i dag. Strikka etter gratismønster frå nettet, herifrå.

Det lysegrå garnet er Safirgarn, det mørkegrå er Østlandsgarn. Pinne nr 3.

Dette paret er strikka i Østlandsgarn.

Eg strikka dei brune fyrst, syntes dei vart litt store. Så på dei grå prøvde eg å strikke strammare, og dei vart meir passelege til ei damehand.

Strikkepinneetui og "Besta" sin bursdag

2011-02-16T19:02:00.004+01:00

I går fylte mor mi heile 81 år, og mandag, midt imellom morsdagen og bursdagen reiste småjentene mine og eg på besøk. Som gåve hadde vi bl.a. med dette strikkepinneetuiet som eg har sydd. Eg har brukt framgangsmåten frå Pickles.

Kristina skreiv denne helsinga til bestemora si.

ENDELEG!

2011-02-14T16:58:00.005+01:00

Endeleg er eg ferdig med dette prosjektet som har teke mykje tid den siste månaden. Var eigentleg lei etter ei jakke, men ei er ofte berre halvveis hos oss.

Mønsteret er henta frå Dalegarn sitt hefte Mini Klassisk.

Garnet er Daletta, pinne nr 2,5 og 3. Størrelse 6 år til desse jentene som nettopp har fylt 5. Angrar bittelitt på at eg ikkje strikka 8 år, jakkene kjem ikkje til å vere passelege i veldig lang tid, men sånn er det vel med slike som veks heile tida.

Det å strikke jakker er no eigentleg heilt greitt, til ein kjem til monteringa. Føler det blei litt lite profesjonelt, men jakkene heng i hop, og sidan vi skal ha dei sjølve får det vere greit.

Selbuvottar

2011-01-30T09:52:00.003+01:00

Har for tida litt dilla på vottar, og har tidlegare strikka nokre barnevottar. No var det tid for å få litt vaksenvottar i lageret. Sidan eg syns dei fine selbuvottane på pinne nr 2 er litt tålmodigheitskrevjande, var eg no ute etter noko kjappare i litt tjukkare garn.

Desse er strikka etter oppskrift 9, barnevott i heftet Selbustrikk frå Raumagarn. Men med tjukkare garn og pinnar vart dei i damestørrelse. Pinne nr 3 og 3,5 i Safirgarn. Garnkostnad 20-30 kr.

Desse grå vottane er strikka etter mønster frå Sandnesgarn sitt hefte Klassikere tema 15. Safirgarn, pinne nr 3 og 3,5. Dei er i ein nokså stor herrestørrelse.

Ha ein fin søndag!

Lettstrikka huer

2011-01-24T11:08:00.003+01:00

I dag kan eg vise fram eit par nye huer. Den brune er frå ei oppgåve i Lille Rosins hobbykalender for januar. Grei hue, men eg forstod ikkje heilt framgangsmåten for brotet på hua, så den blei nok ikkje heilt etter mønsteret. Strikka i gullgarn på pinne nr 6 og 7. Det er ei vaksenhue, men i mangel på vaksne modellar, måtte vesle Kristina trå til.

Den kvite hua er litt samme type, men meir inspirert av ei hue eg såg på ei lita jente på butikken. Vrangbord, holrad med sløyfeband i, og elles samme strikk som på den brune hua. (1 omg rett, neste omgang 1 vr og 1 rett ned i forrige maske).

Kvit hue er strikka i Alfa glitter, på pinne nr 6.

Labbar og litt til

2011-01-23T12:32:00.004+01:00

Lenge mellom innlegga her på bloggen for tida, det skuldast vel mest langtidsprosjekt som ikkje blir ferdige...

Men som innimellomprosjekt i det siste har eg hatt desse labbane, strikka i garn frå villsau. Dyrt og eksklusivt med andre ord. Hadde berre to buntar og var redd for å få for lite garn, så brotet vart i kortaste laget. Lyt til å lære meg tå-opp-sokkar, skjønnar eg.

Ja ja, litt garn vart det igjen. Får sjå om det rekk til noko, kanskje nokre striper i eit anna prosjekt?

Og om nokon skulle lure på korleis det går med Vossa-koftene til to av jentene mine, kan eg røpe at eg er komt så langt: Halvveis!
Eg lovar fleire bilder når eg er heilt ferdig.

Hadde faktisk gløymt kor mykje arbeid det er med montering av jakker, no hugsar eg kvifor eg eigentleg svergar til raglan- og rundfellingsgensarar...

Stjernehals, strikkepinneetui, m.m.

2011-01-10T11:57:00.004+01:00

Må innom for å blogge om dei siste dagars arbeid på hobby-fronten.

Endeleg har eg fått ferdig denne stjernehalsen som er strikka på bestilling til ei frøken. Strikka på pinne nr 3,5, i garnet Lerke.

Så har eg endeleg fått sydd meg eit strikkepinneetui, det har eg tenkt på lenge. Eg brukte denne framgangsmåten. I utgangspunktet gjekk det greit, men eg kunne tenkt meg eit noko stivare resultat, syns heile mappa var litt mjuk og "lafsete". Mulig eg skal prøve med eit kraftigare stoff neste gong, evt. ha i eit lag stiv vliselin.

Neste prosjekt ser de her, det skal bli jakker til tvillingane, i vossamønsteret. Fann denne kofta i eit av Dalegarn sine hefter på nettet. Eg såg for meg antrekk til konfirmasjon og 17. mai, så då var det berre å skaffe mønster og garn og setje igong. Om eg skal seie det sjølv, ser det så langt ganske bra ut, men eg har ein del arbeid framfor meg før eg er ferdig.

Ha ein fin dag!

Vottedilla...

2011-01-06T18:33:00.003+01:00

I det siste har det blitt ein del vottar. Fint småarbeid som blir fort ferdig, slikt likar vi. Her er nokre eg har strikka i jula og no i veka.

Lilla tovavottar i Naturgarn frå Sparkjøp

Raude Selbuvottar i Østlandsgarn og Safir, mønster i "Selbustrikk" (Rauma.)

Blå barnevottar i Rubin, Oppskrift i Sandnes, Til fjells

Godt nyttår!

2011-01-04T18:17:00.003+01:00

Sidan dette er det fyrste innlegget i år, vil eg nytte høvet til å ynskje lesarar eit godt nytt år!

Eg har starta dette året med å prøve å vere litt meir aktiv på hobbyboden Der er det i løpet av året diverse alongar, dvs folk som strikkar omlag det same, evt at ein får stikkord til kva ein skal lage. I år tenkte eg eg skulle prøve å henge med på "Nøstebarn-alongen", "Eit år i fargar" og "Strikk til barn 0-10 år". I farge-alongen var månadens farge grøn, og i Strikk til Barn-alongen var stikkordet tilbehør. Eg har difor strikka desse grøne Selbuvottane til barn - eit kjekt lite strikk som vart bra fort ferdig.

Mønsteret er å finne i heftet "Selbustrikk" frå Rauma ullvarefabrikk, men i stadenfor originalgarnet brukte eg Rubin, og pinnar nr 3. Vottane er difor litt større enn dei var oppgitt å vere, nemleg 5-7 år. Tippar desse passar betre til ein 8-10-åring.

Julekjolar

2010-12-30T11:00:00.003+01:00

Fekk ei økt bak symaskina i går, så då hadde begge jentene antrekk til juletrefesten. Litt store er nok desse kjolane, men så vert dei vel passelege lenge òg. Mønsteret er svært enkelt, har berre teikna av frå ein kjole dei hadde, sydd saman og knappar på skuldrane.

Ullfilt frå Stoff og stil, rest av bomullsstoff som dekor. (Er nok frå S&S den òg, viss eg ikkje hugsar feil.)

Julestrikk

2010-12-27T13:23:00.003+01:00

Julestrikket så langt i jula har vore labbar. Eg har handla inn litt deilig mjukt labbegarn til jul, så no kosar eg meg. Det øverste paret er i Hjertegarn sitt raggegarn, dei blålilla er i Viking sportsragg, og dei store herrelabbane er i Big fabel.

Nokre julegåver...

2010-12-26T22:14:00.003+01:00

No når julegåvene forhåpentlegvis er pakka opp, kan eg vise fram eit par av tinga eg har gitt vekk i år.

Ei monsterbukse til den minste nevøen vår.

Eit par selbuvottar til nevøen vår som bur i Sveits. Håpar det er kjeket med norske mønster i utlandet...

Julefeiring hos oss

2010-12-26T21:17:00.007+01:00

Her kjem nokre glimt frå julefeiringa hos oss. Pynting av treet føregjekk på veslejulafta, og her var dei minste ivrige. Her er det Nora som heng opp pynt.

Kristina er òg med på moroa.

Og slik såg treet ut på julaftan føremiddag,

Før julemiddagen brukar vi å ta bilde med sjølvutløysar. Folket er svoltne, så vi har ikkje tid til så mange forsøk før vi set gaflane i maten.

Middagen kan ikkje avsluttast fort nok for enkelte, spenninga er stor før pakkeopningskaoset tek til... Og slik såg dei fem ungane mine ut på julaftan kveld.

Den lokale nissen held til i låven hos naboen. I år hadde helsa skranta litt no før jul, så det var ein hås nisse som kom. Jentene var spente på kva som var i sekken...

Nissen fekk gode klemmar frå takknemlige småjenter...

Etter julekvelden har vi hatt litt besøk og elles slappa av her med oss sjølve. Jula er kald i år, temperaturen har lege på -15 nokre dagar no, så vi fyrer i omnane og kosar oss inne.

Ha ei fortsatt god jul!

God jul!

2010-12-23T23:20:00.003+01:00

God jul til alle som måtte dumpe innom bloggen her!

2010-12-20T19:06:00.002+01:00

For nokre dagar sidan pynta jentene i huset peparkakehus. Vi er ikkje meir avanserte enn at vi pyntar eit vi har kjøpt ferdig i butikken, men alle er fornøgde, så då er det greit.

Viktig med mykje seigmenn og nonstop.

Fleire strikkarar i huset... + eit par vottar

2010-12-19T22:19:00.004+01:00

Utruleg nok er den eldste dotra mi begynt å strikke! I fjor strikka ho praktiske trekk til å ha på speglane på bilen sin så dei ikkje fraus. I år har ho avansert litt, og etter å ha strikka nokre julegåver, er ho no begynt på sokkar. Besta hadde noko strev med å forklare henne korleis ho skulle strikke hæl - via telefon. Men ho fekk det til til slutt, og no er jenta begynt på sitt andre par.

Sjølv har eg sagt meg ferdig med julegåveproduksjonen for i år. Så no dei siste dagane har eg strikka eit par selbuvottar som skal i messe-/gåvelageret mitt. Greit å ha ein del slike småting liggande.

Vottane er strikka i Rubin, på pinne nr 3. Oppskrifta står i Sandnes Til Fjells 0811. (Men der er det brukt eit tynnare garn.)

Julegåveproduksjon

2010-12-13T15:06:00.004+01:00

For tida går det i juleførebuingar, og alt kan sjølvsagt ikkje bloggast. Men mine foreldre på over 80 år les ikkje hobbybloggar (eller noko anna på internett), så eg tek sjansen på å vise fram litt av gåvene deira før jul.

Etter ynskje blir det tova-tøfler i år. Desse er strikka av Cortina og tova på 60 grader. Her er eit av para før toving (i lag med ein isskrapevott).

Og her rett frå vaskemaskina, litt små....

Men etter strekking og påsying av skinnsålar frå Hillesvåg fabrikker, ser tøflene slik ut. Får håpe dei varmar.

Førjulspresang......til meg sjølv

2010-12-08T19:41:00.003+01:00

For nokre dagar sidan skulle eg bestille nokre ullsålar frå Hillesvåg fabrikker , men sidan dei òg har nøstemaskin og hespetre i sitt sortiment, og eg hadde ønska meg det lenge, vart det òg med på bestillinga. Det var kjapp levering, bestilte fredag, og varene var hos meg i dag, onsdag.

Nøstemaskina med villsaugarn på spolen. Hespetre måtte eg òg ha meg.

Skal ikkje sjå heilt vekk ifrå at det vert noko barnearbeid her i heimen innimellom. Denne jenta tykte iallefall dette var flotte saker.

Då har vi nøsta opp det vi hadde liggande av garn på hesper. Eg får begynne å strikke på det når julegåvene er klare om litt.

Ha ein fin kveld!

Oppsummering av helga

2010-11-30T18:46:00.003+01:00

Helga som var var innhaldsrik, litt travel men veldig kjekk. Søndag var den store førjulsdagen her i bygda, med familiegudsteneste og juleverkstad/messe/kafè. Tradisjonen tru skulle 4-åringane få bok i kyrkja denne søndagen. Og i år hadde vi for siste gong ungar som skulle få ei slik bok, så då stilte vi sjølvsagt opp.

Her har Nora og Kristina nett fått boka si, og så skal dei synge ein song i lag med presten. (Ja det var ikkje berre våre ungar der, men dei andre har eg skåre vekk for anledningen.)

Etter gudstenesta reiste vi til ungdomshuset. 12-åringen hadde eigen stand på messa i år, der ho selde diverse småtteri, julekaker, makramè m.m. Slik såg bordet hennar ut. Ho fekk selt alle natronkakene med ein gong, elles gjekk det litt av det andre òg.

Sjølv selde eg strikkavarer, eit mobilbilde av utstillinga mi var i forrige blogginnlegg. Salet gjekk bra, det gjekk mykje isskrapevottar, vottar elles, sokkar, huer m.m. Eg ser som i fjor at det er småting som sel best, så det må det lagast meir av. Trur eg har att berre eit par vottar...

Sidan helga var så hektisk, har vi ikkje kome heilt i gong med adventstida her. Adventsstaken er t.d. søkk vekke, så her må vi finne på noko anna. I ettermiddag har eg pakka inn dei obligatoriske 24 små pakkane. Våre born får pakke kvar sin dag, så det blir berre 4. kvar dag for kvar enkelt. (Eldstemann får ordne sin eigen kalender, ho er 20 år...) I år vert det ein enkel variant av ein kalender, men ungane vert nok nøgde håpar eg.

Julemessesøndag

2010-11-28T09:01:00.003+01:00

Ja då har eg fått laga til helgas utstilling, så får vi sjå korleis det går. Fyrst er det frukost og Gudsteneste med to spente 4-åringar son skal få kyrkjebok.

Ha ein fin søndag!

Vinvesker og snart klar for julemesse

2010-11-26T23:32:00.004+01:00

I helga skal det vere julemesse her i bygda, og det er jo spennande. No i veka hadde eg siste omgang med toving før messa, blant anna med desse vinveskene. Har sydd på pynt av tova ull og perler.

No i veka har eg elles drive og merka, prisa og laga liste over det eg skal stille ut på messa. Det blir spennande å sjå korleis det går. Restbeholdninga får eg berre ta vare på til gåver og anna til seinare. Eg er med i ungdomslaget som arrangerer messa, så helga går med til organisering, utstilling, baking og så sjølve gjennomføringa på søndag.

Ynskjer alle ei god helg!

Non stop trøye til tvilling 2

2010-11-20T08:42:00.004+01:00

Med tvillingar i hus må det meste vere rettferdig. For vel ein månad sidan fekk tvilling 1 si non stop trøye. Etter litt anna småarbeid manna eg meg opp til å starte på trøye nr 2, slik at begge skulle få. Endeleg vart denne ferdig òg, og resultatet vart no greit. Litt knall med dei lilla stripene, men jenta likar lilla, så slik måtte det bli.

Mønsteret er lasta ned herifrå. Ei grei oppskrift som gjev berre to endar å feste om ein vel å bruke ein farge, evt fleirfarga garn.

Tjukt garn og tjukke pinnar...

2010-11-14T21:30:00.004+01:00

I det siste har eg kosa meg med tjukt garn og tjukke pinnar. Det er jo ein fryd, sidan ting blir fort ferdige.

Dette settet er strikka i Alfa frå Sandnes, etter oppskrift frå Sandnesgarn. Hua er strikka i halvpatent på pinne nr 10.

Eg har òg strikka tre kronehuer, den plommeraude i Eskimo, den kvite i Viking Balder og den lilla i Alfa. Oppskrifta har eg funne her, men eg har gjort nokre små endringar.

Helgas produksjon

2010-11-09T20:34:00.004+01:00

I helga lot snille mannen min meg reise ein tur på hytta heilt åleine. Då var det ikkje stort anna enn strikking som stod på programmet, og her er det eg fekk laga.

Fjordårets bestseljar på julemesse-standen min var isskrapevottar. Dei 5 eg hadde laga i fjor forsvann ganske raskt, så i år tenkte eg å ha dobbelt så mange. Dei fem fyrste er strikka av Mor Aase-garn. Isskrapene er kjøpte på Rema 1000.

Tova votta har eg fått litt dilla på, det går ganske raskt å lage eit par, og i løpet av helga laga eg to par.

Desse lilla vottane er strikka i Mor Aase garn på pinne nr 5. Størrelsen er ca 10-12 år, kanskje litt større.

Dei grå vottane er strikka i Artic frå Europris. Dei vart ein del tjukkare enn dei lilla vottane, sjølv om dei er tova like mykje.

Så får vi sjå om det er nokon som vil kjøpe tova-vottar på julemesse, viss ikkje vert dei kanskje liggande under eit juletre ein plass.

Tova ullvottar

2010-11-01T09:48:00.004+01:00

Eg har ei lita niese på 3 år som går i utegruppe i barnehagen. Tanta føler då eit visst ansvar for at jenta har varme kle, og ei av utfordringane er å halde ho varm på hendene. Det varmaste er visstnok tova vottar, så då måtte vi prøve å få til det. Har ikkje så brei erfaring med det frå før, men eg fekk det no til på eit vis. Har funne diverse oppskrifter på nettet, og gjort om masketal og mål så det skulle passe nokolunde. Neste gong skal eg legge opp nokre få masker mindre, og heller auke litt etter mansjetten, for å få ei passform som sit betre på handa.

Dette paret er strikka i Artic frå Trysilgarn/Europris, pinne nr 5. Tova på 40 grader i maskin.

Ullbukse til Nora

2010-10-31T07:10:00.003+01:00

Ja då har begge småjentene varme, gode bukser til å ha under dress og regnkle på kalde vinterdagar. Som barnehagearbeidar synest eg slike plagg er nesten uunnværlege. Buksene er noko store, men det ser ut til å gå bra. Viss dei no unngår å slite hol på dei, kan dei faktisk vare i fleire år framover.

Som forrige bukse er også denne strikka i Rubin, eit rimeleg og godt garn. Til heile buksa brukte eg i underkant av 7 nøste, altså ein garnkostnad på ca 100 kr.

Julegåveproduksjon...

2010-10-25T10:43:00.003+02:00

Har såvidt begynt å tenkje på jula, og i går laga eg denne til ei av tanteungane mine. Tanken er å sy ein mindre sminkepung i samme stoffa òg. Satsar på at jenta ikkje snokar på hobbybloggar...

Gratulerer med dagen, Birgitte!

2010-10-23T22:19:00.002+02:00

Eldste barnet 20 år. Gratulerer med dagen!

Ullbukse til Kristina

2010-10-23T21:09:00.003+02:00

Innimellom må eg no lage litt til ungane mine òg. Vinteren er allereide komen, og då gjeld det å ha ullkle til gjengen. No er det Kristina som har fått seg ei ribbstrikka ullbukse, ei sånn kunne eg eigentleg tenkt meg sjølv òg... Buksa er strikka i Rubin, etter oppskrift frå Sandnes Tilbehør, tema 12. Fargane har jenta valt sjølv.

Eigentleg synest eg ikkje dette er det mest spennande prosjektet å halde på med, litt einsformig, og tek litt for lang tid.

...men her er neste prosjekt....

...ribbstrikka ullbukse til Nora.

Toalettveske

2010-10-17T15:42:00.007+02:00

Søndag er ofte sydag for meg, så også i dag. I dag har eg sydd meg ei toalettveske i glade fargar. Det er fyrste gongen eg prøver meg på dette, så veska er langt i frå perfekt. Men sidan det er som skal bruke ho, kan eg leve fint med det. Eg har funne litt insprasjon i denne boka av Lise Bergene, men måla på veska, stoffval m.m. har eg valt sjølv.

Og slik vart resultatet:

Monsterbukse igjen...

2010-10-15T00:23:00.004+02:00

Denne buksa vart ferdig strikka i forrige veke, men mangla auge og tenner. Det har den fått no, så då er den klar for julemesse. Størrelsen er ca 1-2 år, garnet heiter Rubin.

Kjole til Kristina

2010-10-14T20:34:00.004+02:00

Då eg skaffa meg symaskin var noko av vitsen å kunne sy litt kle til ungane mine. Kjolar til dei minste jentene har vore planlagde ei stund, men eg har ikkje fått meg til å klippe i stoffet før i dag.

I dag var det Kristina som fekk seg ullkjole. Den er sydd av ullfilt frå stoff og stil. Mønsteret er enkelt, det har eg teikna sjølv. Kjolen vart litt stor, men jenta vart iallefall veldig glad!

Non stop trøye

2010-10-13T16:33:00.003+02:00

Etter inspirasjon frå nettet, har eg no strikka denne trøya. Den er strikka ovanfrå og ned, og namnet nonstoptrøye har den fått fordi ein strikkar alt i eitt utan å slite av tråden. Mønsteret ligg gratis på ravelry, her kan ein laste det ned.

Eg strikka str 7-8 år, i babyull, pinne nr 3. Trøya såg heile tida veldig smal og lita ut, medan eg strikka den fekk eg spørsmål om det var dukkekle, eller til og med om det var småfolk på vei... Men ribbstrikken gjer den veldig tøyeleg, og det var ingen problem å få den på Nora på 4 1/2 år. Det kjekke er at Nora har ei tvillingsyster, så no er det berre å legge opp til ei trøye til.

Monsterbukse nr 3

2010-10-04T17:37:00.003+02:00

Dette er den tredje monsterbuksa eg lagar, og denne vart STOR. Ca str 6-8 år. Håpar så store ungar brukar sånne bukser, viss ikkje eg får avsetning på den får eg ta den med som lånebukse i barnehagen. Ein positiv ting var at eg fekk brukt opp nesten all oransje Rubin'en min. Sjølv likar eg oransje, men ungane mine tykkjer visst det er den styggaste fargen.