onsdag 25. november 2009

Selbustrikk


Eg har nyleg skaffa meg boka "Selbuvotten" av Terri Shea. I denne boka er det mange flotte mønster eg har fått lyst til å prøve ut. Sidan eg ikkje har strikka ordentlege selbuvottar med tommelkile og mønster på tommelen før, ville eg prøve meg på ein enkel vott fyrst.

Det fyrste paret mitt er eit par barnevottar, dei passar nok ca 3-5-åringar. Raudt Senjagarn og lys rosa babyull er brukt, og pinne nr 2,5.

Sidan det gjekk fint med det fyrste paret, ville eg prøve meg på eit par litt meir avanserte vottar. I oppskrifta står det størrelse "jente stor", men dei vert nok heller passeleg til store damehender.
Tysdags kvelden hadde eg opprydning og førebuing til julemessa. Alle varene fekk prislappar, og no seier eg meg nokolunde ferdig med produksjonen. Her er huer, halsar, labbar, vottar, bukser, gensarar, vinvesker, isskrapevottar og mobillommer. Eg er ganske spent på korleis dette går, kan jo risikere å sitje att med heile varelageret...Vi kryssar fingrane.

Ha ein fin kveld!







4 kommentarer:

sipusa sa...

flotte votter! Jente, stor refererer nok til de av oss som egentlig er voksne men ikke kjenner oss sånn kanskje?;-)

lisbethbula sa...

Jeg er stum av beundring over en sånn fen'menal strikkeproduksjon!

Hanne sa...

Virkelig flotte votter, begge parene. Og det ser ut til å være mye snadder i kassene dine som skal avgårde til julemarked. Lykke til med salget.

Hege sa...

Herlig fargekombinasjon på de vottene du strikker på!