onsdag 28. april 2010

Mariusgensar med rundfelling

For eit par-tre månader sidan skulle eg strikke ein slik gensar til tanteungen min. Eg begynte då på denne i str small, men eg tykte den såg stor ut. Difor la eg den til sides og begynte på ein ny til henne.



No har eg endeleg fullført denne, som eg frykta kom til å bli liggande ei stund. Garnet er Rubin frå Sparkjøp, pinne nr 3 og 3 1/2. Mønster frå Sandnes. På den gensaren eg strikka tidlegare, bytta eg perlestrikk-brotet med vanleg vrangbord, og eg må seie at eg var meir fornøgd med det. Her er det imidlertid perlestrikk som det står i oppskrifta. Litt pressing, så vert det kanskje penare, men så langt er eg ikkje komen endå.



Denne gensaren har ikkje mottakar, så eg tenkjer å prøve å få selt den på julemesse eller noko slikt. Kva kan eg ta for ein slik gensar? Tippar garnkostnadene er på nærmare 200 kr.

2 kommentarer:

Cloudberry sa...

Flott genser. Har veldig lyst på en marius genser selv ;)
Tror nok godt du kan ta mer enn 200,- for den.
En skal jo ha litt fortjeneste utenom garnet også ;) Har selv sett små barnegensere til salgs for mer enn dette.

Anonym sa...

Eg ser at på Epla selgast ein Mariusgenser str 8 år for kr 450. eg synest no det er billig, det går trass alt med ein del timar å strikke den.