lørdag 12. september 2009

Labbar, kjole og kjøkenklut

No er hausten på frammarsj, og dermed er ullsesongen i gang. Frå september-oktober og fram til våren brukar dei minste ungane mine veldig mykje ullkle. Eg hadde difor lyst å spe på med litt nytt heimestrikka, og gjerne noko som passar til prinsesseulla som vi har ein del av. Ein tunika/kjole hadde vore høveleg, tenkte eg. Noko passande oppskrift klarte eg ikkje å finne, så dermed var det berre å gå igang og finne på mønster sjølv. Veldig avansert vart det dog ikkje.

Etter ei lita veke var kjolen ferdig, strikka i garnet Silja. Heilt fornøgd er eg ikkje, den vart litt rar og trang i halsen, så eg vurderer å ta opp igjen og strikke siste biten om att. Det får bli når eg får ånden, blir liksom litt lei når ein har halde på ei stund. Her er resultatet, med Nora som modell. Og sida Nora har ei tvillingsyster, vert det vel å strikke ein til...

På mine gamle dagar har eg prøvd meg på strikking av sokkar. Har aldri vore flink til det før, så har eg heller aldr prøvd så hardt heller. Fann ei allround-oppskrift på nettet her, så då var det berre å prøve. Fyrste par var i Jarbo raggi, tjukt garn, raskt å strikke. Syns derimot fargane var...hm, ikkje så fine, men eldstejenta mi likte dei, så ho tok dei raskt i bruk.




Neste par var noko tynnare, her var det Fabel og pinnar 2,5. Meir nøgd med desse, sjølv om dei vart litt små. Må prøve meg litt fram når det gjeld å berekne garnmengde og kor mykje ein skal legge opp, m.m. Men det finn eg vel ut av.









Kjøkenklutar er populært for tida, og eg ville no prøve dette òg. Denne er i mandarin petit, 1 r og 1 vr, enkelt, men litt kjedeleg. Men greit resultat.



Garnhandel på nett

For fyrste gong har eg handla garn på nettet, og det blir no neppe siste gong heller. Frå Simply sock yarn har eg fått ein pakke med tynt sokkegarn, det gledar eg meg til å prøve. Dei fargane det er berre ei hespe av, vert nok barnesokkar, men det trengs det òg. Friske fine fargar, det likar eg.

5 kommentarer:

gyldenkron sa...

Så utrolig masse fint du har strikket. Likte spesielt godt kjolen, stjernehalsene, vottene og luene.
Ha en fin helg

KRØLLEMIKKEL sa...

Så mye flott det var her.
Gratulerer med nesten ny blogg.
Søt tunika og søt modell!

Lisbeth sa...

Så flink du er til å strikke :o) Den kjolen var jo bare nydelig!
Fin blogg har du også, her kommer jeg sikkert innom igjen senere også :o) Ønsker deg og dine en flott helg videre.

Brit sa...

Hewr var det mye fine strikkeprodukter og masse deilig garn!!
Kjolen og jenta i var bare SØT

Wenche/chawo sa...

Kjempefin kjole og flotte sokker,du har strikket.