søndag 18. juli 2010

Feriesyslar...

No har vi tre veker ferie framfor oss, og det er berre å begynne å nyte det. Veiret er ikkje av det beste her vestpå, men vi får gjere det beste ut av det. Denne helga har blitt brukt til å passe ungane til nokre bryllaupsgjester, og elles til forefallande arbeid her heime. (Les: husarbeid.) Litt avslapping innimellom har det òg blitt.

Vi har bestemt oss for at frysarane våre er fulle nok no, så vi må begynne å ete opp litt. Dagens middag vart difor grillbein med tilbehør.


Eg jobbar med å finne tilbake strikkelysta, no når vi har ferie må eg no benytte meg av at eg har god tid. På den vesle ferieturen som vi hadde for eit par veker sidan begynte eg på dette babyteppet. Greit å ha noko rett-fram-strikk der ein slepp å tenkje. Målet no er å få ferdig dette innan rimeleg tid...



Tjukke pinnar og babyull, kun rettstrikk, kan det bli enklare? Planen er å hekle ein kant rundt når det er ferdig.



Tvillingane våre...

Då dei kom til verda var vi alle sikre på at dei var toegga, sjølv om dei var nokså like ved fødselen. Toegga tvillingar er arveleg, og sidan eg har brødre som er tvillingar, og elles ein god del tvillingpar i slekta, måtte jo dette vere arven som slo til. Etter kvart begynte vi å lure litt, vi måtte kle av dei for å sjå på fødselsmerka kven som var kven. Då dei vart større voks dei seg meir og meir ulike, og folk flest som kjenner dei har ikkje problem med å sjå forskjel på dei.
I går tok eg dette biletet av dei medan dei så på Tv. Eitt eller to egg???




Ha ein fortsatt fin kveld!

3 kommentarer:

Signe sa...

Tror jeg ville tatt en liten blodprøve om dere ikke er sikre, for de to er likere enn mine eneggede gutter :-)

Ramatoa sa...

Ja, bare så det er sagt, så har jeg sagt hele tiden at disse to små frøknene er enegget, og jeg holder på mitt.
Nydelige er de også!

Og hytta deres er fantastisk! Både beliggenhet og standard passer meg midt i blinken!
Digger badakara deres!

Leei sa...

Ja, jentene våre er einegga, det har vi visst ei stund. Artig å sjå både kor like og ulike dei kan vere.

Og hytta er vi veldig fornøgd med, ja. Bygde den til og med før vi hadde eige hus.