Feriesyslar...

No har vi tre veker ferie framfor oss, og det er berre å begynne å nyte det. Veiret er ikkje av det beste her vestpå, men vi får gjere det beste ut av det. Denne helga har blitt brukt til å passe ungane til nokre bryllaupsgjester, og elles til forefallande arbeid her heime. (Les: husarbeid.) Litt avslapping innimellom har det òg blitt.

Vi har bestemt oss for at frysarane våre er fulle nok no, så vi må begynne å ete opp litt. Dagens middag vart difor grillbein med tilbehør.


Eg jobbar med å finne tilbake strikkelysta, no når vi har ferie må eg no benytte meg av at eg har god tid. På den vesle ferieturen som vi hadde for eit par veker sidan begynte eg på dette babyteppet. Greit å ha noko rett-fram-strikk der ein slepp å tenkje. Målet no er å få ferdig dette innan rimeleg tid...



Tjukke pinnar og babyull, kun rettstrikk, kan det bli enklare? Planen er å hekle ein kant rundt når det er ferdig.



Tvillingane våre...

Då dei kom til verda var vi alle sikre på at dei var toegga, sjølv om dei var nokså like ved fødselen. Toegga tvillingar er arveleg, og sidan eg har brødre som er tvillingar, og elles ein god del tvillingpar i slekta, måtte jo dette vere arven som slo til. Etter kvart begynte vi å lure litt, vi måtte kle av dei for å sjå på fødselsmerka kven som var kven. Då dei vart større voks dei seg meir og meir ulike, og folk flest som kjenner dei har ikkje problem med å sjå forskjel på dei.
I går tok eg dette biletet av dei medan dei så på Tv. Eitt eller to egg???




Ha ein fortsatt fin kveld!

Lite aktivitet her...

...Vi har vore på tur...

Det er ferietid, sjølv om eg jobbar litt denne veka òg. Forrige veke hadde vi fri, så då var gubben, småjentene og eg på ein ferietur. Sonen vår er i Sveits i lag med bestemora og kusina si, og eldstejenta har vore heime og jobba. Fyrst gjekk turen til Østfold der vi handla ny bil, derifrå køyrde vi med to bilar til Sunne i Sverige. Vi hadde høyrt mykje fint om denne plassen, så dette måtte vi prøve. Overnattinga vår foregjekk i telt, og så lenge veiret er fint er det supert. Sidan vi har Caravelle får vi med oss madrasser og dyner òg, det gjer jo comforten litt betre.

Medan vi endå var i Noreg var vi innom Fredriksten festning der dei spelar inn "Allsang på grensen." Det var ikkje innspeling då vi var der, men dei øvde, så vi fekk no sjå eit par kjendisar. I Sverige vart det bading både innandørs og utandørs, leik på leikeplassen, besøk i ein park og latmannsliv. I tillegg måtte vi jo prøve nokre restaurantar. Sidan vi stort sett var heldige med veiret, hadde vi ein roleg og flott tur. Sunne kan absolutt anbefalast som ferieplass med familiar!



Sidan dette i utgangspunktet var ein hobbyblogg, kan eg no nemne litt om korleis det går på hobbyfronten. Eg har for tida 4 strikketøy liggande, to på hytta og to heime. Inspirasjonen manglar, så det går TREIGT. Dei som ventar på nye strikkeoppdateringar må nok vente ei stund, er eg redd. Får prøve å kome i gang igjen litt no når eg begynner på 3 samanhengande ferieveker kl 15.45 i morgon.

Jonsokfeiring

Tradisjonen tru har vi vore på jonsokfeiring på Sandneset i kveld. Ein flott sommarkveld ved fjorden.





Årets brurefølgje.

Kveldstur

For tida er det ikkje mykje blogging her, det er mykje som skjer, men kanskje ikkje så mykje å blogge om. Fortrinnsvis er dette ein hobbyblogg, men strikking og handarbeid er det ikkje mykje tid til no når det er sommar. Har nokre småprosjekt på gong, men det går treigt.

Denne helga begynte fredag med blåtur med jobben, laurdag var vi til Førde og vaska og henta heim flyttelass frå hybelen til eldstejenta. I dag tok vi med middagen og grilla på hytta. Dei andre for heimatt for å snekre på garasjeloftet, og etter å ha vaska opp, gjekk eg rundt vatnet før eg vende nasa heim. Ein flott sommarkveld i Traudalen.

Endeleg fisk på kroken

Ein fritidsaktivitet eg likar godt er fisking. Stort sett foregår det i vatnet ved hytta vår, men uheldigvis kan fisken her vere vanskeleg å lokke frampå. Enten er det for kaldt, feil veirtype, feil makk, feil tidlspunkt eller så er fisken rett og slett ikkje svolten. Vi har prøvd nokre gongar før i sesongen, men då har vi ikkje lukkast.

Denne helga skulle eg opp åleine og vaske litt, men eg måtte no prøve fiskelukka òg. Og jammen vart det litt fangst denne gongen, sjå berre her. Ei fin ei på laurdagskvelden, og ei litt mindre søndag morgon. I tillegg litt napping, så det er altså liv i vatnet i år òg.

Fornya inngangsparti/uteplass

Ved inngangsdøra vår har vi ein overbygd platning som vi liksom aldri har fått skikk på. I år har vi difor teke oss saman og gjort noko med dette. Platningen er blitt beisa og vi har kjøpt nye utemøblar. I tillegg har veggane, og karmane fått beis, og eg har sett fram litt til pynt.



Dei "nye skohyllene" er gamle kasser som vi fekk frå ein bonde her på stranda. Dei får få nytt liv som sko-oppbevaring ei stund framover. Sopelima kom gutungen heimigjen med, han hadde laga den på skulen.




Grøne fingrar har eg aldri hatt, men nokre potter med litt sommarblomster prøvar eg kvart år. Håpar dei held seg fine ei stund i år...



Denne hylla er laga av ei gammal fjøl som eg fann i ein ruin etter eit nedrive hus. Hylleknektar i smijern frå IKEA.



Denne lanterna har eg kjøpt i butikken til kollegaen min, ho har òg nettbutikk. Her er mange fine interiørprodukt, både til å ha ute og inne. Korga i hønsenetting som stod på skohylla er òg derifrå.








Så no kan berre sommaren kome for fullt...

Retro...?

I dag fekk eg brått trang til å rydde og kaste i vaskerommet mitt. Mykje skrot, gamle kle og diverse blei stappa i svarte sekkar og skal vekk frå vårt hus. Men ein ting som både er gammal og delvis øydelagd, skal ikkje kastast, uansett. Denne har vore med på diverse flyttelass, og har overlevd mange ryddesjauer. Tippar den er frå tidleg/midten av 70-talet.

Denne stolen er etterkvart ein av dei få tinga eg har att frå barndommen min, og eit godt minne.


Flott mønster.


Har du ting frå barndomen som du tek vare på?