søndag 31. januar 2010

Bursdagsfeiring

Då har vi tjuvstarta litt, og feirar tvillingane sin 4-årsdag eit par dagar på forskudd. Jentene har vore ivrige og gleda seg i mange dagar, og når kakene skulle bakast var dei veldig hjelpsomme. Jentene er i ein alder då Hello Kitty er det heilt store, så vi måtte no prøve å få til litt Hello Kitty pynt. Resultatet ser de her - Nora si oreokake med rosafarga krem, og Kristina si marsipankake med ein liten Hello Kitty.


Muffins med rosa glasur og blomsterpynt.
Her skal vi til å blåse ut lysa på kakene.

Feiringa gjekk fint med 29 personar innom dørene, pizza og salat, og kaker, muffins og gele til alle. Jentene fekk mykje fint, og var storfornøgde med feiringa. Tysdag som er 4-årsdagen på ordentleg, har vi invitert barnehagen heim til oss, så då blir det barneselskap og meir feiring.

søndag 24. januar 2010

Kronehuer

Tidlegare i dag måtte eg rekke opp fleire timers arbeid på ei ullbukse eg held på med, så då orka eg ikkje ta i den igjen på ei stund. Så då braut eg eit prinsipp eg har, nemleg å ha fleire prosjekt på ein gong. Eg hadde tidlegare i veka planlagt og kjøpt inn garn til kvar si hue som dei to minste i familien skal få når dei har bursdag om 9 dagar (!).

Kronehue strikka i Viking Balder på pinne nr 7. Oppskrifta fann eg her. Eg strikka imidlertid hua noko lenger før eg starta fellinga (15-16 omg.). På fyrste forsøk der eg følgde oppskrifta, vart ho noko kort for mine snart 4-åringar. Måtte prøve den på medan dei sov, det skal jo vere overrasking på bursdagen. Så då får vi berre sjå om prinsessene vert nøgde med krunene sine.



lørdag 23. januar 2010

Tunika str 4 år

Då har vi vore i 3-årsdagen til ei lita niese, så då kan eg vise fram noko av det vi gav ho. Tunika i mariusmønster i Sisu på pinne nr 4. Oppskrift frå Sandnes.




mandag 18. januar 2010

Tunika



Då har 11-åringen fått seg tunika. Ho har valt modell og fargar sjølv, og er visstnok fornøgd.




Mønster frå Sandnes, garn Alfa og pinne nr 7. Raskt arbeid, brukte berre nokre få dagar på heile arbeidet. Ser at den bør pressast litt, det får vi ta etterkvart.

lørdag 16. januar 2010

Vakker himmel og sokkar til nevøen

For ei stund sidan kom eg over dette garnet, Big fabel, og tykte det var veldig fine fargekombinasjonar. Det har lege på vent ei stund, men no fyller eit av tantebarna 10 år, så då kunne det vere passeleg med eit par tjukkelabbar. Av eit 100 grams nøste skulle det gå an å få to sokkar, hadde eg tenkt, men det er litt vanskeleg å berekne kor tid ein er komne til midten av eit slikt nøste. Det enda (sjølvsagt) med at det blei litt for lite, så det mørkebrune på tåa på den eine sokken er av ein annan garntype. Men sidan sokkane er så fargerike elles, fann eg ut at dette fekk gå.



I dag tidleg var himmelen skikkeleg vakker. Frå at det har vore ein bra lang kuldeperiode, gjekk temperaturen opp på plussida i dag, og de har vore litt vind. Desse bilda tok eg ut av vindauget i dag tidleg.





onsdag 6. januar 2010

Ei hue og eit Baktusskjerf


Nok ei hue har sett dagens lys her på Kukkelen, denne er òg til tanteungen min, som ikkje kunne bestemme seg om ho skulle ha grå eller svart. "Ja takk, begge deler", det gjekk fint. Kjappe og greie å strikke, på pinne nr 6 og 10. Garn til overs vart det òg, so no spekulera eg i kva slags hue sonen hennar skal få...
No etter nyttår har eg strikka på mitt fyrste Baktusskjerf. Det er i Sisu fantasy på pinne nr 4. Eg hadde tre nøster, og trudde det skulle bli rikeleg garn, men så ville eg ha eit stort skjerf. Eg drygde difor litt lenge før eg begynte å felle, så det vart faktisk for lite garn. Eg vart difor gledeleg overraska over at den lokale garnbutikken hadde rett garn i rett farge, så fekk eg fullføre prosjektet. Har òg hekla ein kant rundt for å gjere det litt finare.
Dette trur eg rett og slett at eg skal ha sjølv, har verkeleg fått sansen for sjal/skjerf i desse kalde tider.

Angånde kulde - på termometeret vårt vart det målt -15,4 sist natt, så det er noko kaldt. Nett no er det "berre" -13,5, men det kan vel vere at det vert kjølegare i natt. Her i huset har vi bra med ved, så vi matar dei to vedomnane våre godt no om dagen.

Ha ein fin kveld!

mandag 4. januar 2010

Hue til tanteungen

Tanteungen min, som ikkje lenger er ein unge, hadde lyst på ei "baggy" hue eller to. Fyrst ut blei denne grå hua i Alfa. Strikka i halvpatent, raskt, kjekt arbeid. Har garn liggande til ei svart hue òg, så det vert nok neste prosjekt.
Litt maskulin modell kanskje, men det fungerte no fint.

søndag 3. januar 2010

Lyslykta vår


Kaldt veir gjorde til at vi fekk lyst til å lage islykter. To bytter med vatn vart sette ut i går, og i dag ville vi teste korleis det vart. Den fyrste lykta vart rett og slett vakker, men litt tynn i kantane, så nr 2 får heller stå til i kveld.


fredag 1. januar 2010

Vakre Gloppen


1. Januar 2010

Nyttårsfeiring

Godt nyttår til alle!

Nyttårsafta feira vi heime, med ei lita utflukt til foreldra mine. Dei tre minste ville vere nyttårsbukkar, så dei kledde seg ut og sminka seg etter alle kunstens reglar.


Nora ville vere prinsesse - ikkje veldig overraskande.

Kristina var ein liten kattepus - søt som alltid.

Hanna var blånisse, med veske - klar for "innsamling" av snop i lag med veninnene sine. (Sidan vi ikkje er noko halloween-menneske her i huset, har vi heller tradisjon for at dei får ta seg ei runde på nyttårsafta.
På nyttårsbesøk hos Besta og Besten på Eide.

Her er òg noko vi har styra med i jule-/nyttårshelga. Wii er for heile familien, men endå litt vanskeleg for dei minste. Bowling er vel det lettaste, og her er det Nora som prøvar seg. Ikkje noko å seie på innsatsen.

Litt fyrverkeri hadde vi. Vi hadde litt oppskyting med dei minste litt tidlegare på kvelden, for sidan dei ikkje hadde sove middag blei det litt lenge og vente heilt til midnatt.

Utsikt frå loftet vårt rundt midnatt.


Og sidan dette for det meste er ein handarbeidsblogg, må eg òg ta med nyttårshandarbeidet mitt, eit par lommetøfler til 11-åringen. Lite greit handarbeid, og fint å få brukt litt restar.