T-skjorter

Nokre t-skjorter i tøff monstertruck-jersey frå Sydilla. Armane er av einsfarga jersey frå Tiljamiid. Alle er i str 110, eit svært tilpassa mønster frå Ottobre.

Sy-søndag

Då har eg hatt meg ein lang dag med symaskinene, og fått klart noko meir til messekassene.

4 nye huer, desse ligg òg i Epla-butikken min. Begge stoffa frå Tiljamiid.

5 nye bodyar i litt ulike størrelsar. Stoff frå Tiljamiid og Fabelblå.

Gåve til tantebarnet

For nokre dagar sidan sydde eg dette settet til tantebarnet vårt som er blitt 4 år. Bukse, tunika og panneband.

Feer frå Sydilla, chenille og ribb frå Stoff og stil. Eigne mønster.

Panneband-produksjon

No når veiret forhåpentlegvis blir mildare, blir det fint for ungane å få gå med panneband i staden for hue. I dag har eg hatt fri, og det blei nokre panneband til mine eigne ungar, samt ein del til neste messe. Av ting eg har hatt for sal tidlegare, har desse monstertruck-stoffa selt veldig bra, så no prøver vi med panneband. Nokre fear vert òg med på messe i slutten av april.

Klemmepungar

Driv framleis og ladar opp til messe, og i dag blei det nokre klemmepungar i glade mønster/fargar.

Litt vanskeleg å sjå fargane skikkeleg sidan bildet faktisk er teke ute i sola. Stoff frå Tilda og diverse lappeteknikkstoff.

Innskriving på skulen

Då er snart ein epoke over, og ein ny tek til. Dei to yngste våre er no innskrivne på skulen, veldig spente og klare som egg.

Stas med skulebok og blyant, bolle og saft.

Kristina

Nora

Strikkepinneetui og bukse

Eit par strikkepinneetui.

Bukse sydd på bestilling. Stoff og Stil sine tekstilar - mitt mønster. Buksa er til ei jente som er litt størren enn ho som har den på, difor ser den noko stor ut.

Fleire bodyar

To nye bodyar til Epla-butikken min.

Begge i str 68.

Body med sauer

Eg har fått spørsmål om body eller anna med sauer på, og frå Myllymuksut har eg kjøpt dette stoffet. Eg har mykje meir stoff, så her kan det bli både huer og meir sauebodyar.

Mønsteret er frå "Heilt spesiell", dette er den fyrste eg syr av dette mønsteret, og det blir garantert fleire.

Forklekjolemodus

Då vart det ei ettermiddagsøkt i dag òg, måtte jo få ferdig denne forklekjolen òg. Mykje av det eg syr er i litt sterke fargar, men denne er no eit unntak.

Kosar meg litt med å dekorere desse kjolane, litt pynt må det vere, men ikkje altfor mykje.

Stoff frå Panduro og Stoff og stil.

Kjolane er vendbare og kan brukast på begge sider.

Forklekjolar

I det siste har det vorte laga mykje av jersey og stretchstoff elles, men eg har jo eit lager av vevd bomull liggande òg. Så i dag var det tid for å bruke litt av dette lageret.

Eg klipte til 4 forklekjolar, men vart berre ferdig med 3 av dei, den siste får eg ta ein annan dag.

Kjolane er vendbare, eg har laga dei med mykje mønster på ei side og litt "rolegare" på andre sida. Stoffa er frå Stoff og Stil, Cetho og ein lokal sybutikk.

Posar til oppbevaring av småting

Ein av bestselgarane på julemessa var slike posar. Fine til å ha småting i, kan fyllast med diverse og gjeast vekk som gåver. No er eg begynt å sy til ei messe i slutten av april, og då må eg jo ha med ein del slike.

Ytterstoff frå IKEA, to ulike fòrstoff frå Stoff og stil, babycord og mønstra bomullsstoff. mellom laga er det òg eit lag platevatt.

Vårhuer

Endeleg er dagane vortne litt lenger og litt mildare. Kanskje det er tid for lettare huer til borna? I går og i dag har eg sydd ein del barnehuer i fargerike stoff - om du er interessert i ei sånn kan du sjå i Epla-butikken min. Hue-saum var kjekt, så det kan godt vere det kjem fleire fargar og motiv etterkvar.