søndag 8. november 2009

Sokkar og nye prosjekt

Endeleg ferdig med sokkane i Regia på pinne nr 2,5. Desse strikka eg på ein litt ny måte, begynte på begge sokkane omlag på same tid, strikka litt på den eine og litt på den andre, og når dei var ferdige var jammen begge ferdige omlag på same tid. Grei måte å gjere det på, for eg synest av og til sokk nr 2 er litt...ja...kjedeleg å begynne på. Særleg med så tynt garn.


I går var vi store deler av dagen i Florø på 4H-tur. Målet var symjehallen Havhesten, og med påfylgjande pizzabord på eit av byens hotell. Eg lurte meg til ei lita runde i byen, og fann m.a. ein interessann butikk som heitte Florø Husflid. Der var eigentleg lite garn, men mykje anna av hobbysaker. Eg fann m.a. solar til mitt neste prosjekt, samt ein del labbegarn i litt tjukkare kvalitet. (Prøve å begrense prosjekt med tynne pinnar...)


Her er mitt neste prosjekt. Neste helg er vi bedde i 95-årsdag til husbonden sin onkel. Ei utfordring då var å kome på noko som han kanskje kunne trenge, folk i den alderen har gjerne det dei treng. Og når kona er dyktig på strikking er det liksom ikkje vits å kome med kva som helst. Eit par tova tøfler meinar vi han kan trenge, så då er det berre å ta frå garnlageret og gå i gang. Har funne meg ei oppskrift på nettet, så denne søndagen skal eg kose meg med tjukke pinnar og tjukt garn.


Ha ein fin søndag!

4 kommentarer:

KRØLLEMIKKEL sa...

Flotte sokker. Smart å strikke begge "samtidig". Må prøves.
Ha en flott uke!

Hanne sa...

Sokkene så kjempe deilige ut. Jeg har også strikket sokker på den måten og det anbefales på det sterkeste, føles som en sparer mye tid :)

sol sa...

Spennende med nye butikker :)

Beate sa...

De sokkene så lange og gode ut :)